Altza, bere lurraldearen aldeko komunitatea.

“Altza berdea, Auditz-Akular maitatu” lelopean burutu genuen ekimena Harria parkean. Hemen egunaren inguruko argazkiak:

EGUN HORRETAKO KRONIKA:

Auditz Akular Altzarentzako eremu natural gisa «aldarrikatu» dute

Aitor Odriozola, bertsolari altzatarrak ekitaldian kantatutako bertsoak hemen:

1. 
   Historia ziklikoa da
   dago horren klaro
   arazo zahar berriez
   nazkatuta nago
   eta berrogeita hamar
   urte berantago
   Auditz-Akular ez da
   porlana izango. (x2)
2. 
   Garberan erosketak
   Zara eta Mango
   Paris edota Londres
   zeuden gertuago
   dorreen aldean guk
   baserriak nahiago
   Auditz-Akular ez da
   porlana izango. (x2)
3. 
   Intxaurrondon kuartela
   ze putre komando
   berdez dijoaz baina
   bestelako bando
   gure lurra den arren
   sentitzen dut hango
   Auditz-Akular ez da
   porlana izango. (x2)
4. 
   Larratxotik ikusten
   da Ulia luzaro
   Gaiztarrotik Pasaia
   eta bere faro
   barianteak erdibitzen
   du herria zeharo
   Auditz-Akular ez da
   porlana izango. (x2)
5. 
   Herrerako fabrikak
   Igeldoko mango
   Altzan antza dena da
   delinkuente saldo
   biziraun nahi duena
   nahi dute akabo
   Auditz-Akular ez da
   porlana izango. (x2)
6. 
   Altza izan genuen
   noizbait de revista
   porlanakin digute
   denei erre bista
   berdegunea zena
   orain etxe, pista
   Auditz Akularrek ez
   du segiko lista
   ta izango gaituzte parean jarrita.